بسم الله الرحمن الرحيم
كنت قاعده امبارح بالليل مع نفسي وبالتحديد وانا حاطه دماغي علي المخده .. ما كانش جايلي نوم
المهم يعني ... فكرت في حاجه غريبه جدا..... هما ليه كل الناس اللي بيبقوا فنانين بيبقوا عندهم نوع
من الكأبه .. مع ان مفيش علاقه بين الفن والكأبه.. ده المفروض اللي بيعمل حاجه بيحبها بيبقي مبسوط جدا
علي حد علمي يعني اللي بيبقي موهوب في حاجه معينه بيبقي فرحان جداااااااااا حتي علي الاقل بيلاقي حاجه
تشغل وقتو بدل ما الواحد وقتو ضايع في حاجات ملهاش لازمه ... اختي رنا كمان سالتها و لفتت نظري
للموضوع ده .. بالمناسبه انا اختي في تربيه نوعيه ونحاته رقم واحد... بتقولي برضو الواحد لما بيكون مبدع في حاجه فعلا
بيبقي كئيب... حتي بتقولي كل صحابي في الكليه اللي مبدعين في حاجه معينه وواخده كل وقتهم من كتر ما
بيحبوها بس برضو بتقولي بيبقي عندهم شويه كأبه.. حتي هيا قالتلي برضو انا نفسي بحس نفسي ساعات كتير
زعلانه وكئيبه كده ... معرفش هيا بقي حاجه حسب طبيعه البني ادام ولا هيا فعلا ليها علاقه بالموضوع ده
قاعده بقرأ امبارح قصه حياه بتهوفن... لقيتها بالصدفه في منتدي وانا بقلب.... الراجل ده كان فيه
بؤوووووووووووووس الدنيا .. وانه كان عايز ينتحر .. والحاجه الوحيده اللي كانت مصبراه علي اللي هوا فيه
ده هوا البيانو بتاعو وانو كان بيعشق الموسيقي اوي ....امممممم .. ممكن نقول مثلا عشان الراجل ده جالو صمم
فعشان كده كان متضايق من الدنيا باللي فيها .. بس افتكر من اللي فهمتو يعني ان الراجل ده كئيب كده من
زمان.. يمكن عشان ظروف حياته انو كان فقير عشان كان بيصرف علي امه و اخواته.. معرفش بقي
بس انا بحاول الاقيلها تفسير و لو حتي من وجهه نظري...... بجد انا حسيت بحاجه لما قريت قصه الراجل ده
مش عارفه ليه كان نفسي ابقي عايشه في الزمن ده و اشوف الراجل ده.. يمكن عشان بعرف اعزف
علي البيانو؟؟؟؟؟؟؟ معرفش بقي...... بس بجد كان نفسي اشوفه وخاصه و هوا بيعزف بيانو ... كان نفسي كمان
اشوفه وهوا كئيب كده شكلو عامل ازاي... طب تصدقوا بقي ان انا حاسه اني كتبت الكلام ده عشان قريت قصه
حياه الراجل ده .؟؟؟؟؟؟؟ والله عندي احساس اني كتبت الكلام ده عشان كده.... بس موضوع انو عايز ينتحر دي
بقي عشان الناس دي اصلا معندهاش ايمان بربنا اصلا .... طيب ما هو عمر خيرت بيبقي قاعد بيعزف علي
البيانو وهوا مبتسم ..... هههههههههههههههه وشكلو مش كئيب خالص يعني يبقي نرجع نقول ان الناس دي
بيبقي الظاهر الفن عامللها لطشه في نفوخها عشان معندهمش حاجه غيره يعملوه بقي ولا ايه انا مش فاهمه
سيبنا من بيتهوفن دلوقتي... فان جوخ اللي قطع ودانه ومعرفش ليه الحركه دي.. مايكل أنجلو اللي قعد يرسم في سقف
كنيسه مش عارفه حوالي5 سنين ولا مش عارفه كام وفضل راقد علي ظهرو طول المده دي كلها
ايييييييييييييه الناس دي بقي انا عايزه افهم يعني
طيب حاجه بقي انا نفسي ابقي زي عمر خيرت كده نفسي اعزف زي الراجل ده كده .. واعزف بيانو
قدام جمهور كبير... يبقي لما اوصل لكده بقي هبقي قطعت صوابع ايدي اليمين .. ههههههههههههه.... يلا
بقي كفايه كده عشان صدعتكم ب اللي انا بكتبو ده .... يلا سلام عليكم بقي
هناك ٤ تعليقات:
انتي تحفه والله يا يمني بموت فيكي
عارفه انا مش موصلتش لمرحله الابداع لسه .. بس برضو عندنا في الكليه في كام بنت مبدعين تحسيهم مكتئبين
بس عارفه الموسيقيين عندنا في الكليه منهم ناس مبدعين و بروفشنال و تحسيهم بيبقوا فراحنين اوي في شغلهم يعنش مش مقياس ..
انا مش هدخل دينيا في الموضوع بس في ناس عن دراسه قالوا ان الاكتئااب كلمه كبيره اوي و علاجه الوحيد الانتحار
فبلاش المطصلح ده ..
ميرسي عالبوست يا جميييل
( البؤسااااااااااااء)
:))
ههههههههههههه ضحكتينى جداا بكلامك عن الابداع والاكتئاب .. بس عارفه انا ليه وجهة نظر هو مش موضوع اكتئاب هو بيكون احساس غريب او طاقه عايزه تخرج بشكل ما وهى الى بتكون الابداع وبتعمل للانسان حاله كده قلق .. عبال لما تخرج الطاقه دى بيحس اناه ارتاح او افرغ وجدانيا .. ولا ايه رايك ...
اعجبنى جداا حبك لبيت هوفن انا بأه من عشاق رمسكى كورساكوف .. ياريت تقولى لى رايك فيه ..
قلب شاعره
هههههههههههههه حسناء حبيبتي منوره .. لما توصلي ليها وانا كمان برضو لما اوصل ليها عايزين نشوف هيحصل ايه هههههههههههه :)))
قلب شاعره.. سعيده اوي انك قريتي الكلام اللي انا كتبتو في مدونتي... تفسيرك ممكن برضو يكون منطقي .. علي فكره رمسكي انا سمعت عنو بس ما كنتش عرفت عنو حاجه.. شكلو مبدع عن بيتهوفن.. علي الاقل حتي مش كئيييييييب زيو ههههههههه :))
إرسال تعليق