أنفلونزا الخنازير وأأأأأأه يا دماغي من الزن

في مصر هنا وبيتبعو كلمه . زيط علي الزيطه بزيطه ازيط منها عشان ميتزيطش عليك

كل ما بتحصل اي حاجه في جزء من العالم اول ما نسمع عنها نفضل نززززززيط ونهيص هنا في مصر

اكيد كلنا سمعنا عن موضوع انفلونزا الخنازير اللي في المكسيك

اول ما الخبر نزل في الجرايد وفي نشره الاخبار مصر فضلت تهلل

والناس هتمووووووووووت .. الناس هيجرالها مش عارف اييييييييييييه

هوا احنا لحقنا.. ده احنا لسه سامعين عن المرض من كام ساعه

انا عارفه انو ماشي لازم نأخد تدابير وقائيه عشان الامراض مش تنتشر في المكان

بس ماهو لسه مفيش حاجه اصلا .. دول قبل ما يفحصو الخنازير هااااااااتك يا تقطيع ودبح فيهم

والطريف بقي في الامر انك تلاقي ناس مسلمين يعني مش بياكلو لحمه خنزير من اصله

و اول ما سمعو عن المرض أل بطلو ياكلو لحمه حيوانات عموما هههههههههههههه لا ياراجل؟

هيا تقريبا يعني اسمها انفلونزا الخنازيييييييييييير والا اذا كنت انا بسمع غلط ولا حاجه؟

زي نفس اللي حصل ايام انفلونزا الطيور عمالين يقولوا الناس ماااااااااااتت

الناس عماله تمووووووووت وحصيله مش عارفه كام حاله اصابه وكام حاله وفاه وماشاء الله المستقبل كلو بقي اسود في اسود :D

طيب اذا كان اصلا انفلونزا الطيور اثبتو ان الطيور اللي بتصاب بالمرض ده مش بتقدر تتنقل من مكانها

يبقي ازاي لقيو اصابات في مصر وناس بتموت ؟ لا تعليق

المشكله بقي كمان في ايه؟

ان كميه اللحمه اللي ادبحت دي كلها احتمال وان مكانش اكيد ان فيه مصانع لحمه حيوانات ممكن تاخدها

ساعتها بقي يبقي علييييييييييه العوض ومنو العوض في ذمه الناس بجد

اصل ما اقتنعش ان الكميات دي كلها هتترمي في الزباله ده فيه ناس حاطين ألف من الجنيهات في مزارع الخنازير دي

قريت امبارح في الشريط اللي في القناه الاولي اللي في اخر الشاشه

اتصل ب 105 عشان تقريبا تحصل علي معلومات اكتر عن انفلونزا الخنازير

حتي الناس بتوع التليفونات مش سايبنا في حالناااااااااااا

كلو عايز يكسب من ورا كلو اوووووووووووووف

يلا كفايه كده لحسن انا بقيت متغاظه خالص

يلا سلام عليكم بقي واشوفكم تاني قريب :)

in the mirror

ساعات كتير تخاف تبص لنفسك في المرايه

وساعات تانيه تبقي خايف تدور جوا نفسك وتشوف حقيقتك

نصيحه بقي

بص لنفسك في المرايه قبل فوات الاوان

حاول تخلي نفسك هيا مرايتك اللي بتقولك كل حاجه

وصارح نفسك بعيوبها

علي الاقل قبل ما حد يجي يوبخك

او حد يقولك انتقاد يخليك تندم طول عمرك

ساعات بتحس انك تعبت في انك تصلح نفسك من عيب معين

بس اكيد اذا عندك اصرار هتقدر تطور نفسك للأحسن

نصيحه كمان.. حاول تصلح من نفسك وانت لسه صغير

عشان كل ما هتكبر كل ما هتحس انه اصعب

تحياتي ليكم

مجرد رأي

انا هتكلم عن حاجه كده بس انا كلامي علي قدي فيها بقي

الله اعلم اذا كان حد هيعبجو الكلام ده بس انا بتكلم من رأي الشخصي

لييييييييييييه كل البنات المرتبطين او الستات المتجوزين خاصة

معتبرين ان الحب ما هو الا كلام حلووووووووو وبس؟؟؟؟؟؟؟؟؟

نفسي اعرف مين يقول ان الواحد ان ما كانش طول النهار والليل يقولوا في كلام حلو والا مينفعش

بجد الناس حالها بقي عجيب... انا بعرف بنات صحابي بيصاحبو مخصووووووووص عشان يسمعوا كلام حلو

طب يرضييييييييييي مين ده

طب لييييييييييييه مثلا نقول خلي كلام حلو ده للناس المخطوبين

حتي علي الاقل تحسو انكم علملتو حاجه جديد ههههههههههههههه

ماهو هيبقي ملل كلو زي بعضو

ده حتي الرومانسيه المفرطه دي تجيب زهق تخلي الواحد يحس انو متراقب هههههههههههه

بالنسبه بقي للناس المتجوزين .. فكل الستات ماشاء الله اللهم ما حسد

بقي كل مدوناتهم مكتوب فيها كلام عجيب وانهم نفسهم طول النهار والليل يتقالهم كلام حلو

واللي عايزه تطلق واللي مخنوقه انها اتجوزت مع انها كانت هتموت وتتجوز

كانت بتتنطط كده يا عيني عشان تتجوز ولما اتجوزت واحد كويس تقولك وحششششششش

ولا اللي كانت عامله مدونه وكاتبه فيها انها مخنوقه من جوزها وكاتبه كلاااااااااااام مش منطقي

ماهو اكيد الراجل مش هيتضايق من نفسو ويعمل الكلام ده وتقولك يضربني بالمخده ومش عارفه ايه

لا ما هو مفيش حد يعمل كده ويعلق علي كل حاجه بزعل الا لو كان راجل مريض نفسي ولا انتو شايفين ايه

بقي ديييييييييييي تنقع زوجه ابدا انها تطلع اسرار بيتها لناس متعرفهمش وتسمح بالتعليقات السخيفه

وعادي جدا الموضوع في اللذيذ وهيا شايفه ده عادي

طب ده اول حاجه غلط هيا بتعملها اهي

ليه بقي ما تكونش بتعمل حاجه غلط وهيا مش واخده بالها من نفسها؟؟؟؟؟؟؟؟

المهم بقي نرجع لموضوعنا

بس يعني انا شايفه انو يكون مبتسم في وشك كل يوم ووتقعدي تهزري معاه دي في حد ذاتها والله حاجه جميله جداااااااااااااااااااا

اه والله انا بحس ان احسن حاجه في الدنيا انو كل ما يجي يتكلم معاكي يهزر ولا يبتسم

دي بالنسبه لييييييي عندي بالدنيا فعلا

يعني اهو شويه كده و شويه كده

هنا بقي انا عايزه اسأل سؤال

كام واحد بيعرف يقول كلام حلو؟؟؟؟؟

لكن كام واحد يبقي مش نكدي ويقدر يخلي مراتو مبسوطه؟؟

جاوبو انتو بقي :)

ده الستات جاه عليهم وقت بجدددددددد بقوا عمالين يتطلقوا بسبب مسلسل نور ده

جتيكم ستيييييييييييين خيبه بجد بجد يعني فيه واحده تسيب جوزها عشان واحد بيقول كلام حلو لواحده

لمجرد انهم بيمثلو؟؟؟؟؟؟؟؟؟؟؟؟؟
لازم يكون الواحد حاطط في معلومة انو مفيش حد مثالي

وبعدين يعني لما يكون حد مش بيعرف يقول كلام حلو بس بيحبك خلاص بقي

الواحد بجد مش هيلاقي كل حاجه في الانسان اللي معاه

يارب الناس تفكر بعقلها شويه وبلاش يسمعوا تامر حسني ويشوفوا افلام مصري كتير

ويفتكرو ان الحياه صعبه شويه وعايزه شويه صبر

واكيد زي ما بيكون فيه اوقات تلاقي نفسك فيها متضايق اكيد في اوقات اكتر منها تبقي هتنط من الامبساط

وفي اخر كلامي يارب محدش يفسرها بقي ان انا باجي علي الستات والبنات

وانا زيي زي اي حد يعني بغلط كتيرلحسن حد يقول دي بتمثل دور المثاليه :)

وزي ما قولت انا بتكلم علي قدي انا مش متجوزه اصلا دي مجرد افكار لأوضاع بشوفها ونفسي تتصلح شويه

مسيركم هتلاقوا بوست قريب عن الرجاله برضو ههههههههه

يلا سلام عليكم بقي

تاكسييييييييييييييييي

smile

إبتسم....إبتسم

إفرد نفسك وإترسم :D :D

عمار يا مصر

بسم الله الرحمن الرحيم

يمكن الكلام اللي انا بكتبه ده ما يكونش جديد وتكونوا كلكم عارفينه

بس انا بكتبه لمجرد ان انا عايزه اطلع الكلام اللي جوايا

انا عايزه اعرف الناس ايه اللي جرالها.. ليه كل الناس عايزه تموت بعضها

ليه الناس كلها عايزه تنتقم من بعضها ... ليه مفيش حاجه اسمها نشد ونرخي

وان لازم حد يرخي والا الحبل كده هيتفطع .. وليييييييييه مصر بقت كده

والناس اللي فيها بجد مبقاش قلبهم علي بعض زي زمان وما بقوش بيحبوا بعض زي الاول

كل واحد مهم عنده مصلحته وازاي يحسس اللي قدامه انو احسن منه وازاي يعرف يضايقوه

عشان ياخد من ايده الحاجه اللي هوا عايزها

بمناسبه الانتقام والكلام اللي انا كتباه ده من قريب سمعت عن حادثه كده

قتل طفل في رابعه ابتدائي علشان معملش الواجب ودخل متأخر الفصــل المدرس رفع العصايا على ايد

الولد ضربه أربع مرات والخمسه الولد شال ايده المدرس سابو وأول ما الواد دور وشه

في الحيطه الولد وقع والمدرس برجله على بطنه وعمال يدوس وكسر له

من الضلع التاني للخامس وأكيد طبعا لما الضلع التالت والرابع والخامس يتكسر عضلة القلب بتقفوالشريان

مش بتنقل الدم للمخ الولد أغمى عليه واتنقل المستشفى ومات

ليييييييييييييييييه بقي ان شاء الله طفل عنده حوالي تسع عشر سنين يحصل فيه حاجه زي كده

كل ده عشان عيل صغير ما حلش الواجب ولا مذاكرش؟؟؟؟؟؟؟؟؟؟؟؟؟

هوا اسم الله عليه نظام التعليم في مصر رائع لدرجه ان المدرس انو شايف انه لما يعمل كده

النظام مثلا هيتصلح ولا العيال هتبقي منظمه عن كده؟؟؟؟؟؟؟؟؟

ال يعني كل حاجه منظمه والواد بقي مجرم عشان محلش الواجب ده ايه يا خواتي الانضباط ده

لا بجد اصل دي اللي كان نقصانا عشان البلد حالها يتعدل ان العيال تحل الواجبات

لا ماشاء الله فعلا الناس بقت نفسيتها في الطالع

ومعدلات الجريمه عماله ترتفع لدرجه ان انا حاسه ان احنا بقينا في غالبه

دي الناس بقت تتفنن في الطرق اللي تأذي بيها بعضها

طب ما يجربوا يستخدمو مخهم في اي حاجه بدل الاذيه

بس نقول ايييييييييه الشعب المصري عمره ما هيتغير :((((

نيجي بقي للحاجه التانيه

فئه ظباط الشرطه ....... ليييييييييييه هما علطول حاسين نفسهم انهم من صفوه الطبقات في المجتمع

وليه بيشتمو الناس لما واحد يروح البندر مثلا عشان يعمل خدمه او يقضي مصله معينه

وبعدين هما ليه فعلا أغلب الظباط المصريين بيطولوا لسانهم علي المواطنين

انا بقول الاغلبيه مبقولش كلهم عشان محدش ياخد الكلام علي نفسه

اختي الكبيره راحت تعمل فيش في البندر

بتقولي الظابط اللي هناك اللي كان مشرف عليهم كان عمال يشتم الناس اللي واقفه مستنيه تعمل الفيس شتايم يعني

والله بتقولي شتايم ما ينفعش تتقال

وساعه ما كانت واقفه بتعمل الفيش

بتقولي انا لو ما كنتش بنت احتمال كان شتمني شتيمه زباله

هزود كمان حاجه

ان احنا عندنا هنا مفيش حاجه بتعدي بالساهل وكل حاجه لازم يحطوا العقده في المنشار والا الحاجه ما تتعملش لازم الواحد كده يحس انو فقد الامل عشان يعمل الحاجه في الاخر

انا فاكره يوم ما روحت اعمل البطاقه الشخصيه بتاعتي من حوالي سنتين

روحت مع مامتي قالولي لازم بابا

روحت مع ماما قالولي لا لازم بابا

والتعامل بقي ايييييييييه ما اقولكمنش يحسسوني اني جايه اشحت منهم واقول عايزه فلوس

اخر ما زهقت قولت لبابا خليك انت في شغلك ان شالله ما عملت بطاقات

وايييييييه بقي تلاقي فئه موظفين الحكومه اللي موقفين مصالح الناس دول وكل حاجه مش عايزين يعملوها هما اكتر ناس ساخطين علي الوضع وعمالين يدعوا علي الحكومه

وعمااااااااااااار يا مصر

try

try again

the person don't learn without paid the price :)

ذكريات الطفوله من ساعتها لدلوقتي يا تري حصل ايييييه؟؟؟

بقالي فتره طويله عماله افتكر نفسي وانا طقله صغيره كنت بقعد اعمل ايه

كانت حياتي ماشيه ازاي ؟ كنت بفكر ازاي ؟؟ تصدقوا بحس ان انا سعيده اكتر من الايام دي معرفش ليه :(

بحس ساعات اوي ان الزمن بيمر علي الانسان كانو لحظات .. انا ساعات مش ببقي مصدقه ان خلاص هيبقي

عندي السنه الجايه 20 سنه بجددددددددددد اوي يعني مش عارفه اقنع نفسي بيها الحكايه دي خالص.. طول

عمري بحس من جوايا احساس اني لسه صغيره و للاسف الشديد صحابي كتير بيتريقوا عليا عشان احساس

اني بحس نفسي من جوايا لسه طفله معرفش بقي ده اسمو ايييييييييييه.. عيب مني ولا انا اللي تفكيري عايز

يتصلح يعني, مع ان المفروض ان الناس بتقول عليا عاقله (دووووووووول هما اللي بيقولوا بس انا بحس غير

كده ) احمممممممممم .. نرجع لموضوعنا بقي هههههههههه J))))))) لحسن كده انا شكلي هعك .. المهم بقي

نفسي بجد ما ابقاش حاسه بالزمن حواليا نفسي احس ان الزمن بقي بطئئئئئئئئئئئئئئئ شويه عن كده بس

خلااااااص بقي ما باليد حيله هنعمل اييييه :( , حاجه كمان بقي اكتشفتها.. البني ادام مننا اول ما بيخلص بالظبط

مرحله ابتدائي دي بيحس ان الزمن بيجري بيه زي الصارووووووووخ معرفش ليه انا حسيته جامد اوي

الموضوع ده يعني حسيت ان العشرين سنين مثلا ولا التسع سنين اللي من نهايه مرحله ابتدائي لغايه الوقت

اللي انا فيه ده حسيت انهم عدوا بسرعه اوي حاجه كمان الواحد وهوا صغير كانت اييييييي حاجه تبسطو بجد

انما دلوقتي الواحد يعمل الحاجه وتبقي معقده وبرضو ما يبقاش مبسوط :( ساعات كتير اوي بتمني ان الزمن يرجع بيا للوقت اللي كنت فيه في ابتدائي يا سلاااااام كنت مبسوطه خالص يلا كفااااااايه بقي كده زن ولو افتكرت حاجه تاني هبقي اجي

اكتبها لان الموضوع ده بفكر فيه باستمرار . يلا سلام عليكم بقي