الأحد، 10 أبريل، 2011

نقاش حااااااااد


بسم الله الرحمن الرحيم

انا هتكلم النهارده في حاجه معتقدش ان فيه ناس كتير هتوافقني في وجهه النظر دي

في حاجه اسمها انك تحاول تقنع واحد بوجهه نظر معينه خاصه بيك انت

انا من وجهه نظري البسيطه وخبرتي في الحياه ان الكلام ده مفيهوش اي فايده

انا بشوف الناس بتتخانق في كل مكان..... في التلفزيون... في الشارع... في الجامعه .. في النادي

كل مكان بشوف الناس عماله تعلي صوتها وتزعق في وش بعض عشان كل واحد عايز يقنع التاني بوجهه نظره

وبيحاول يقنع الطرف التاني انو غلطان وان وجهه نظره هيا اللي صح

والعكس ... تلاقي التاني عمال يقنع وجهه نظره للاولاني وعايز يقنعه انو صح وان بالبلدي كده.. انت غلللللط

محدش قادر يقتنع ان كل واحد ليه شخصيه ووجهه نظره ومعتقداته وانك مينفعش تغيرهاله

فيه حاجات ينفع فيها الكلام ... بس لما تلاقي اللي قدامك مش مستجيب وشايف نفسه صح

بلاش تعصب نفسك عالفاضي وتحرق في دمك عشان تقنعه ان هوا غلط لانو ببساطه مش هيفتنع

لانو ببساطه كل واحد ليه شخصيته وعليك انك تتقبلها لان كل واحد فينا لازم هتلاقي عنده كلام او معتقد معين

او وجهه نظري ومش بيبقي عايز يغيرها :)

وكل واحد برضو حر في رأيه :)

ليست هناك تعليقات: